Art Class for Child

兒童繪畫興趣班

課堂以小班教學, 導師會以塑膠彩, 粉彩及木顏色筆等不同顏料作媒介教授繪畫技巧.

畫畫課程以輕鬆為主, 小童班主題由導師發辦, 圍繞日常生活有趣事情. 中童班由學生自行發掘題材, 由導師帶領表達創意.

培養小朋友對繪畫興趣及對美感的觸覺.

不定期加插主題小手作, 讓小朋友除了學畫畫以外還多可以接觸一下不同的美工素材.

課程對象：小童班適合4-8歲小朋友,

中童班適合8-12歲小朋友.

*每節課堂學生不多於4位

Infromations

Time Table

Saturday

11:30 - 12:30(小童班)

13:00 - 14:00(小童班)

15:00 - 16:30(中童班)

Tuition

小童班1小時課堂, 每4堂為1期, 每期$600

中童班1.5小時課堂, 每4堂為1期, 每期$900

Trial Lesson

收費試堂 : 新學員可以先繳付$150(小童班)或$225(中童班)上第1堂,
之後再決定繼續餘下3堂課堂與否.

預約Art Jamming嘅話要預早幾耐book？

想Book Art Jamming嘅話可以預早一至兩日同我地預約就可以喇。

冇預約Art Jamming的話可以walk-in嗎？

由於我哋Art Jamming嘅座位預約情況每日唔同，有時又會有包場活動進行。只怕你walk-in嚟到時我地安排唔到座位，你就白行一趟喇.. 如果你臨時想嚟畫畫嘅話，歡迎你打個電話嚟先，我哋會盡量為你安排。

Art Jamming幅畫要幾耐先會乾，可以即日帶走嗎？

可以即日帶走啊。我地Art Jamming用嘅係塑膠彩，用電風筒吹乾畫布上嘅選料就可以帶幅畫走。一般用電風筒吹5-10分鐘都已經可以。但如果顏料落得太厚嘅話就算用風筒都須要較長時間先吹得乾嘅，如果趕時間嘅話就要預早少少吹畫喇。提一提大家可以自備環保袋到時袋住幅畫離開。

如果Art Jamming幅畫一次畫唔完，可以擺低下次返嚟畫埋佢嗎？

可以啊，下次返嚟補畫將會按逾時費用收費，即每小時$60(不足一小時按一小時計算)。而存畫就設有1個月期限，存畫時會收取$60按金作為日後嚟補畫時嘅第一個小時收費。期限過後存畫將會被視作遺棄物並由本司代為處理，而按金將會用作處理費及行政費用。唔需要存畫嘅話，下次帶返幅畫返嚟補畫都可以啊。有關存畫嘅四格漫畫

請問Art Jamming自助畫室會有導師指導嗎？

應承唔到大家啊.. 因為小店大部分時間都係得一個人做嘢.. 而身兼店員嘅導師需要專注油畫班或者工作坊.. 如果想跟我地導師畫畫嘅話歡迎參加我地嘅"主題油畫工作坊"或者 "成人油畫班"。

可以帶自己嘅畫布嚟Art Jam嗎？

可以啊，設有最低消費$180(包3小時)。逾時收費每小時$60(未夠1小時按1小時計算)。 *不設存畫服務。

知道Art jamming嘅顏料係用塑膠彩，但可以要求轉用油彩嗎？

我地art jamming顏料不會提供油彩..

想帶個朋友嚟Art Jamming，但佢唔參加只係坐我旁邊陪我可以嗎？

想你朋友留低嘅話就請佢一齊Art Jam畫幅畫啦！由於本店空間及座位有限，唔係參加Art Jam，畫班及工作坊嘅朋友，請到店外其他地方等候。

請問自油空間係咪寵物友善嘅畫室嚟㗎？

我家店長就非常喜愛毛孩㗎，間中都會有油畫班學員帶貓狗嚟上堂探下佢老人家嘅(暫時貓貓出現嘅次數係最多)。所以都好歡迎嚟art jamming嘅你地可以帶同毛孩嚟一齊畫畫。預約嘅時候同我地聲，等我地都可以知會一下其他嚟畫畫嘅朋友，確保佢地唔會有過敏症狀，等大家都可以有一個舒適嘅art jamming體驗。