藝術與科學，一個著重情感想像；一個追求邏輯實證。 兩個目標理念完全對反的範疇，卻相互交織補足。 我們在探索藝術的路途上，就經常要面對邏輯嚴謹的科學理論（攰）..

今次Picasso for Asia - A Conversation展出畢加索作品有60多件，當中包括畫作、雕塑及陶瓷作品。 另外M+再加入130件自家藏品，全為深受畢加索作品所影響的當代藝術之作，出自三十位亞洲及海外亞洲藝術家之手。 並切合今次展覽主題；呈現出畢加索與當代亞洲藝術家嘅跨世代及文化對話。

兩位法國印象派大師的聯合油畫展。 今次主辦單位揀選了52幅展品，當中畫作題材非常清晰，就是風景、靜物、肖像及胴體。 將兩位大師的相同題材作品同時呈現於觀眾眼前。 讓觀眾走進兩位藝術家眼中的世界同時，亦可以比較一下同屬印象派系的兩位藝術家演繹出的個人特色。 而雷諾瓦的肖像作品就最為世人喜愛。 

Cafe Terrace at Night ⁣⁣<Café Terrace at Night> 露天咖啡座；梵高其中一幅家傳户曉嘅畫作，描繪1888年佢响法國南部城市Arles；一間露天咖啡座嘅夜間景況. 可以嘅話，相信大家都會想親身遊歷一下呢間因為梵高而變得廣為人知嘅露天咖啡座真實風光. 可惜嘅係，呢間露天咖啡座已經喺1944年二次大戰期間一次盟軍嘅軍事行動中被炸毁.. 而近代嘅Arles就成功用梵高足跡推廣當地旅遊業. 其中一個景點係一間同畫中露天咖啡座極度相似嘅餐廳. 而嗰間餐廳其實係喺2000年初，由3位當地人策劃並按照梵高畫中細節，再响另一個位置興建而成. 開業時名為Café la Nuit(cafe at night)，後來直頭改名為Café Van Gogh，仲申請埋世界文化遺產添.. 雖然唔係本店，既然去開法國又一場去到Arles，過去觀摩下亦無妨.  不過佢地由上年開始已經暫停營業，聽講係同稅務問題有關.. *images are from internet 首次發佈於Instagram on 2024.08.016

係，畫畫曾經係奧林匹克運動會嘅比賽項目之一 . 唔單只有畫畫，响1912年嘅夏季奧運會就開始有舉行藝術比賽。 當中包括：畫畫、文學、音樂、雕塑同建築，共5大項 . 參賽者以體育運動啟發的藝術作品參賽，而各項比賽同樣會產生金、銀、銅牌嘅獎項  直到1948年倫敦奧運，大眾對藝術比賽的興趣已然不大，參賽作品亦被認為質素平庸  結果國際奧委會於1949年決定以非比賽形式；亦不會產生獎牌嘅藝術展覽，來取代以往的藝術比賽 . 理由係：從來只容許業餘運動員參加體育比賽，但就接受職業藝術家參加藝術比賽及獲發獎牌實在不合乎邏輯 . 今屆奧運將於巴黎舉行，剛好100年前嘅年夏季奧運會亦是於巴黎舉辦。 而當年(1924)嘅畫畫金牌得主係來自盧森堡嘅藝術家Jean Jacoby . 之後佢再喺1928年嘅阿姆斯特丹奧運會贏得另一面繪畫金牌 . Painting was part of the Olympic Games *images are from internet 首次發佈於Instagram on 2024.07.04

事緣畫中少女耳環上嘅”珍珠”，相比起現實首飾上嘅珍珠大得有啲誇張 若然真實存在嘅話，亦唔係當時維梅爾有能力接觸到嘅稀有珍品，從而引起研究人員嘅疑問亦開始有其實係玻璃珠耳環嘅說法。 另外，一位荷蘭科學家兼畫家更提出，按畫中”珍珠”上面反光效果嘅表達手法，比較似係金屬表面。 可惜維梅爾本人對呢幅畫根本無留低過任何文字線索，包括畫嘅名稱。 而今天大家熟識嘅名稱"Girl with a Pearl Earring”-戴珍珠耳環的少女，亦係由現時物主於1995年重新改嘅。 改名之前係叫"Girl with Turban"-戴頭巾的少女。 *Image from internet 首次發佈於Instagram on 2024.05.24

雖然畫中人物擘大個口，但尖叫嘅並唔係佢.. 畫家孟克描述創作靈感時係咁講嘅： 有一次黃昏時段同兩位朋友散步，期間天色突然變得血紅。兩位朋友繼續前行，而自己因疲累就挨住路旁欄杆稍作休息。當時景色令自己感到焦慮與抖震，彷彿聽到空氣中傳來源源不絕嘅尖叫聲.. 畫中人物相信係表達當時孟克本人嘅焦慮神情 The Scream中文譯名普遍為”吶喊”.. 但相信孟克想表達嘅係種令人不安嘅尖銳聲音 而德文就譯做：Der Schrei der Natur (The Scream of Nature)。 係咪更加貼切呢 首次發佈於Instagram on 2022.10.26

究竟梵高(Van Gogh)點解要割自己隻左耳落嚟.. 隨著過去嘅調查，出現過幾種唔同嘅說法🧐 至於真相，相信只有梵高本人至知喇..🌌 講多少少：過去有說法話佢割落嚟嘅只有耳垂部分，而唔係成隻耳殼(聽落係咪安心咗少少🫣).. 但之後搵到當年嘅醫療記錄.. 應該都冇得再拗落去嚕..🤕 首次發佈於Instagram on 2022.05.25

拉斐爾⁣⁣全名係Raffaello Sanzio da Urbino, 但世人只稱呼佢做Raffael / Raphael. 深受梵蒂岡重用嘅拉斐爾, 同其中一位大天使的名字Raphael係同名㗎. 首次發報於Instagram on 2022.04.26

⁣ 兩位同時期同等份量嘅意大利藝術家. 達文西全名係Leonardo di ser Piero da Vinci, 而米高安哲羅全名係Michelangelo di Lodovico Buonarroti Simoni. 點解世人唔稱呼米高安哲羅做施蒙尼呢? 大概係同佢地留响作品上面嘅簽名有關吧 *阿叔讀書個年代係譯做”米高安哲羅”，依家好似普遍譯做”米開朗基羅” 首次發佈於Instagram on 2022.04.14

根據畢加索全名喺佢出生記錄上面係咁寫嘅：Pablo Diego José Francisco de Paula Juan Nepomuceno Crispín Cipriano de la Santísima Trinidad María de los Remedios Alarcón y Herrera Ruiz Picasso總共23個字😅一般 我地都抽出第一個字加最尾個字嚟稱呼佢嘅😌 首次發佈於Instagram on 2022.04.06

經常跟油畫班學員說，畫畫不是你的工作吧？ 所以不要用你平常處理工作的思維模式來畫畫。 舉個例，公司有份文件要放入box file，你就要先在文件紙上打孔。 而操作打孔機時，我們一般會盡量放入最多紙張才按下手把，務求要用最少動作去打穿最多紙張方能滿足工作效率。 然而識場上總存在著個別例子。 有一位同事被大家冠以做事很Artistic。 他操作打孔機時，每次都只會放入一張紙。 而當他打孔的時候，整個辦公室都會瀰漫著利落的打孔聲。 他追求的究竟是box file裡面紙張邊緣的一致性，還是沉醉於採購部為大家精選的80g 4A紙；跟從其他公司交流文件時集得的120g優質文件紙，分別被打孔機衝頭穿破時，聲響間的不同餘韻？ 我們無從得知。只知道這種個別例子就是藝術，亦是適用於我們畫畫的重要元素。 P.S. 以上例子都忽略了時間長短。 請不要斷言分開續張紙打孔這種做法用上的時間一定比較長。 要知道Artistic同事何只一種。

畢加索(Pablo Picasso)於1962年以版畫方式(Lino cut)在Arches Paper上印製的作品Buste de Femme au Chapeau。 描繪一位載帽女子的頭像. 　版畫一共印製了50幅. 每一幅右下角均有畢加索用鉛筆簽名及錄有獨立編號. 還有大概20幅沒有簽名亦無編號; 於印製過程用作預覽效果的Artist's Proofs. 作品以6種顏色分6片印製而成. 一般會按顏色分別雕製6塊獨立凸版進行疊印. 但畢加索只用一塊印版, 每於50張Arches Paper上印好一片顏色之後, 就直接於印版上繼續雕製下一片顏色所須凸版. 以此類推, 過程相當繁複而且無法返印, 印製品絕對限量. 1961至1962年間畢加索創作了多幅以載帽女子為主題的作品. 當中描繪的女子普遍被認為係畢加索第二任妻子Jacqueline Roque的肖像. 因為Jacquline經常會載著稀奇古怪的帽子於畢加索的陶室出現. 1952年Jacquline剛去到畢加索陶室工作, 經畢加索多番追求後二人開始約會, 並於1961年結成了夫妻....

今時今日提起art jamming，相信大家都會諗起畫畫。 畫畫本身係一項獨自修行的個人嗜好。 但art jamming就打破了這個既定觀念，將畫畫變成一項社交活動。 社交活動裡面的art jamming可讓參加者互相交流創意靈感，再利用顏料即席發揮，合力將構思畫面呈現。 同時亦鼓勵沒有接受過任何藝術訓練甚至無繪畫經驗的朋友參與其中，藉此體會藝術創作過程的樂趣。 Art jamming的規模一般不受人數限制。 團體art jamming可以製作Collaborative Art, 透過Team Building發揮All for One的合作精神。 三五好友的話也可以假日聚首，畫畫消閒。 現時提供art jamming服務的畫室場地大部分以共用空間模式運作，所須畫具顏料一應俱全。 參加者只須帶備輕鬆心情便可以即興創作。 而共用空間模式亦同時為個別畫畫愛好者提供了一個日常心靈沉澱的Secret Spot。 塑膠彩與油畫體驗 Art jamming的普及，絕對有賴於塑膠彩的普及。 塑膠彩的特性：水溶、快乾同厚質感，而且同油彩一樣適用於畫布上。 水溶性